И, шед, поклонися Солнцу Правды...

Человече добре, душу твою лелеют древние таинственные песнопения и сказания…. Есть песнопения, чья лепота светит на Небеси и на земли. Сказано древним, солнце перестанет восходить, но песнь сия да не остановится. Тоя песнь Бога радует, и бесы плачут. Се гусли древних и сокровище благих. Обратися же, душе моя, и, шед, поклонися Солнцу Правды, пришедшему на запад солнца, видевшему свет вечерний.

                 Песнопение о помощи от Бога Живаго.

1. Живый в помощи Вышняго, в крове Бога Небеснаго водворится. 2. Речет Господеви: Заступник мой еси и Прибежище мое, Бог мой, и уповаю на Него. 3. Яко Той избавит тя от сети ловчи, и от словеси мятежна. 4. Плещма Своима осенит тя и под криле Его надеешися: оружием обыдет тя истина Его. 5. Не убоишися от страха нощнаго, от стрелы летящия во дни. 6. От вещи, во тме преходящия, от сряща и беса полуденнаго. 7.

Падет от страны твоея тысяща, и тма одесную тебе; к тебе же не приближится. 8. Обаче очима твоима смотриши и воздаяние грешников узриши. 9. Яко Ты, Господи, упование мое. Вышняго положил еси прибежище Твое. 10. Не приидет к тебе зло. И рана не приблизится телеси твоему.         

11. Яко Ангелом Своим заповесть о тебе, сохранити тя во всех путех твоих. 12. На руках возьмут тя, да не когда преткнеши о камень ногу твою. 13. На аспида и василиска наступиши, и попереши льва и змия. 14. Яко на Мя упова и избавлю и: покрыю и, яко позна имя Мое. 15. Воззовет ко Мне, и услышу его: с ним есмь в скорби, изму его, и прославлю его. 16. Долготою дней исполню его, и явлю ему спасение Мое.

Слава в Вышних Богу, и на земли мир, в человецех благоволение.