Преподобномученица Елисавета, Великая Княгиня Елизавета Федоровна Романова

Преподобномученица Елисавета, Великая Княгиня Елизавета Федоровна Романова.
День памяти 11 октября (обретение мощей великой подвижницы благочестия земли Русской преподобномученицы Елисаветы).

Тропарь преподобномученицы Великой княгини Елисаветы Феодоровны, глас 1:
Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу усердно просим тя: святая мученице великая княгине Елисавето, моли Христа Бога спасти и просветити души наша.

Кондак преподобномученицы Великой княгини Елисаветы Феодоровны, глас 2:
Величие подвига веры кто повесть? Во глубине земли, яко в раи светлости, страстотерпица великая княгиня Елисавета со ангелы во псалмех и пениих радовашеся и, убиение претерпевающи, о безбожных мучителех взываше: Господи, прости им грех сей, не ведят бо, что творят.

Тоя молитвами, Христе Боже, помилуй и спаси души наша.

Ин кондак преподобномученицы Великой княгини Елисаветы Феодоровны, глас 5:
От славы царственныя, вземши Крест Христов, прешла еси к славе небесней, молящи врагов, и обрела еси радость вечную, святая мученице княгине Елисавето, с Варварою мученицею. Темже молим вас: молите о душах наших.

Святая преподобномученица Елисавето, моли Бога о нас!