Особая благодарственная молитва к торжеству 300-летия царствования Дома Романовых.

«Определение Святейшаго Синода от 4-го февраля 1913 года о возглашении на торжественном молебствии 21-го сего года, в день празднования трехсотлетия царствования Дома Романовых, особой благодарственной молитвы.

По Указу Его Императорскаго Величества Святейший Правительствующий Синод имели суждение о возглашении на торжественном молебствии 21-го февраля сего года, в день празднования трехсотлетия царствования Дома Романовых, особой благодарственной молитвы. Приказали: на основании бывших суждений, Святейший Синод определяет: предписать епархиальным преосвященным, синодальным конторам, заведывающему придворным духовенством и протопресвитеру военнаго и морского духовенства сделать распоряжение, чтобы во всех храмах Империи на торжественном молебствии 21-го февраля сего года, в день празднования трехсотлетия царствования Дома Романовых, вместо положенной молитвы: “Боже великий и дивный”, по возглашении диаконом: “Паки и паки, преклоньше колена, Господу помолимся”, была прочитана прилагаемая при сем молитва.

 

Молитва православныя церкве российския

на 21-й день февруариа 7421 года.

“Крепость даяй царем нашым, Господи, и рог помазанных твоих возносяй! Ты от лет древних отцы наша божественною истиною просветив, державу равноапостольнаго князя их Владимира утвердил еси, и чрез семь сот лет скиптр языка российскаго в роде святаго угодника Твоего хранил еси, скончавшуся же того благочестивому роду и еще дванадесятим летом прешедшим, землю российскую грех ради отец наших в руки врагов наших предал еси и великому опустошению и смущению в ней бытии попустил еси, дондеже вси людие, покаяние о гресех своих принесше и Твою всесильную помощь призваше, гласа же преподобных отец от обители Сергиевы послушающе, на враги своя мужески ополчишася и от царствующаго града тыя изгнаша: по сих же со усердным молением совет сотворше, благороднейший род бояр Романовых над Российскою землею царствовати умолиша, ведяще род сей благочестием вся превозшедшь и чином иноческим, святительским же саном старейшыя в себе украсившь.

Сему убо роду Царей наших на престол царствия вознесену бывшу, абие умножися Твое, Господи, к земле нашей благоволение, и утвердися людей языка нашего единомыслие, врази же его первее убо боязливи и бежателие явишася, потом же конечне под нозе Царей наших покоришася, сих же царство, аки речное разлитие, по вселенней разширися и, якоже древо благосеннолиственное, многая племена под сень Свою покрывати навыче, еще же и вся православныя христианы, во мире живущыя, милостию и защищением Царей наших повсюду соблюдаше. Днесь убо мы, церкве православно-российския чада, триех сот лет рода сего на престоле российстем пребывания достигше и Твоя, Царю веков, безчисленныя щедроты о царех наших, и теми о всех нас, бывшия помышляюще, благодарне исповедуем, яко не по беззаконием нашым творил еси с нами Господи, но милостию и благоволением Твоим царство Российское хранил еси, оправдав над нами царствовати благочестивыя цари наша, Тебе Единаго боящыяся, людие же державе их врученныя милующыя. Приими убо, Господи, наше о них смиренное благодарение, и усопшим от сего рода царскаго оставление грехов и вечное упокоение даруй, живущыя же днеся благослови и ко исполнению заповедей Твоих настави, таже и в далечайшая лета сыны и сыны сынов их на престоле царства Российскаго самодержавны утверди, и даже до втораго и страшнаго Твоего пришествия друг другу приимательны и благоденствующа сохрани. Даруй же и всем нам под тех крестоносным скиптром мир и тишину и во благочестии и мудрости преспеяние: благия во благости сохрани, лукавыя же благи сотвори, царство наше от злых супостатов огради, и всех людей российских сердца любовию ко отечествию и Царем своим озари, памятованием же небеснаго нашего отечествия просвети, да и вси мы, днесь со благочестивым Царем нашим щедроты Твоя прославляюще, тех память во веки хранить будем и тако единеми усти и единем сердцем достойная славословия возносити величествию Твоему не престанем, глаголюще: Слава Тебе Богу, благодателю нашему, во веки веков. Аминь”.»

 Источник: «Правительственный Вестник» - № 35 – 12(25) февраля 1913 г. – с.2.